Լավրովը պատահմամբ «գերմանացի» նախարար է դարձել (տեսանյութ)

16:29 • 16.01.19

Գերմանական ARD հեռուստաալիքի լրագրողը ՌԴ արտգործնախարար Սերգեյ Լավրովին Գերմանիայի արտաքին գործերի նախարար է կոչել: Մամուլի ասուլիսի՝ այդ հատվածը լուսաբանող տեսանյութը հրապարակվել է համացանցում:

Կինը հարց ուղղելիս մի պահ շփոթել է քաղաքական գործիչներին: «Մեր արտգործնախարար Լավրովը… Լավրովը… Ոչ, այսինքն՝ Հայկո Մաասը: Դրան դեռ չենք հասել»,- ասել է լրագրողը:


Դահլիճում գտնվողները ծիծաղել են:


«Դե, վերջ, հիմա ինձ հաստատ կմեղադրեն նաև Գերմանիան գրավելու մտադրության համար»- կատակել է Լավրովը:


Ռուսաստանի Դաշնության արտգործնախարարը նաև պատմել է, որ պատրաստվում է Մաասի հետ Ռուսաստան այցի շրջանակում քննարկել Ուկրաինայում և Սիրիայում տիրող իրավիճակը: