Հզոր պայթյուն է որոտացել Կոլումբիայի մայրաքաղաքում. կա 8 զոհ

21:40 • 17.01.19

Հզոր պայթյուն է որոտացել Կոլումբիայի մայրաքաղաք Բոգոտայում: Ինչպես հայտնում է INTERFAX.RU-ն՝ հղում անելով տեղի աղբյուրին, միջադեպի հետևանքով 8 մարդ է մահացել: Վիրավորվածների մասին տեղեկություն չի հաղորդվում:

Պայթյունը տեղի է ունեցել ոստիկանական ակադեմիայի մոտակայքում: Ենթադրվում է, որ ականապատ մեքենա է պայթեցվել: Դեպքի վայր են ժամանել շտապ օգնության մեքենաներն ու ուղղաթիռներ:

Կատարվածից հետո Կոլումբիայի նախագահ Իվան Դուկեն, որն այցով մեկնել էր երկրի արևմտյան շրջաններ, որոշել է անհապաղ վերադառնալ մայրաքաղաք՝ անձամբ վերահսկելու ոստիկանական գործողությունները: