Ֆրանսիայի նախագահը խոստացել է թռչել պարաշյուտով

06:24 • 18.01.19

Ֆրանսիայի նախագահ Էմանուել Մակրոնը Թուլուզի 11-րդ պարաշյուտային բրիգադ այցի ժամանակ խոստացել է թռչել պարաշյուտով: Այդ մասին հաղորդում է La Depeche-ը:

«Ես դա կանեմ, խոստանում եմ»,- ասել է Մակրոնը:

Ինչպես նշում է թերթը, նախագահը ոգևորված է եղել պարաշյուտիստների ցուցադրական վարժանքներով: Բրիգադի հրամանատարը կատակել է, թե զինվորականները շատ կցանկանային, որ նախագահից բացի պարաշյուտով թռչեր նաև վարչապետ Էդուարդ Ֆիլիպը: