Մեքսիկայում խողովակաշարի պայթյունի հետևանքով առնվազն 21 մարդ է զոհվել, կան տասնյակ վիրավորներ (տեսանյութեր)
Մեքսիկայի Իդալգո նահանգում Տուսպան-Տուլա խողովակաշարի պայթյունի հետևանքով առնվազն 21 մարդ է զոհվել, ևս 71-ը տուժել են, գրում է CNN-ը:
Պայթյունը տեղի է ունեցել, երբ ավելի քան 350 տեղացիներ հավաքվել են՝ տարաներով վառելիք գողանալու: Ողբերգության վայր են ժամանել հրշեջ-փրկարարներ և Pemex ընկերության ներկայացուցիչները, որին պատկանում է խողովակաշարը:
«Ես կարգադրել եմ նահանգի ՆԳ նախարար Սիմոն Վարգասին օգնել տուժածների ընտանիքներին: Դաշնային կառավարությունը բոլոր անհրաժեշտ միջոցներով աջակցում է մեզ, որպեսզի կառավարենք իրավիճակը»,- թվիթերյան իր էջում գրել է Իդալգոյի նահանգապետ Օմար Ֆայադը:
Բնակիչները տարհանվել են պատահարի վայրից, տարածքն արգելափակված է: Դեպքի վայր է ժամանել շտապ օգնության 4 ուղղաթիռ:
Տարվա սկզբից Մեքսիկայի նոր իշխանությունները պայքարում են վառելիքի ապօրինի յուրացման դեմ: Ինչպես ավելի վաղ հաղորդել էր Tert.am-ը, կառավարությունը դադարեցրել էր մի քանի խողովակաշարերով բենզինի տեղափոխումը, որպեսզի խուսափեր դրա ապօրինի յուրացումից, և սկսել էր վառելիքը ցիստեռններով մատակարարել:
VIDEO: Pipeline explodes in central Mexico, killing at least 20 people and injuring more than 60 others https://t.co/aae2DWY78o pic.twitter.com/BdTOQM9bZe
— BNO News (@BNONews) January 19, 2019
Fuerte operativo tras explosión de un ducto de #Pemex en Tlahuelilpan, #Hidalgo; aún no informan número de heridos ni de víctimas
— Noticias_CUBO (@Noticias_CUBO) January 19, 2019
pic.twitter.com/43yBl6Ggp7
Así agarraban gasolina, de la toma clandestina, los pobladores de #Tlahuelilpan #Hidalgo; minutos después se sucitó la explosión










