ՌԴ ԱԴԾ աշխատակիցները Ղրիմի տարածքում ձերբակալել են սահմանը հատել փորձած ուկրաինացու

15:53 • 19.01.19

Ռուսաստանի Դաշնության Անվտանգության դաշնային ծառայության աշխատակիցները Ղրիմի տարածքում ձերբակալել են Ուկրաինայի քաղաքացու, որը առանց անձը հաստատող փաստաթղթերի փորձել է հատել երկրի սահմանը, գրում է korrespondent.net-ը:

Ուկրաինայի կողմից սահմանը հատել փորձած անձը 27 տարեկան է, նրան ձերբակալել են «Ջանկոյ» սահմանային անցակետի մոտ, երիտասարդի մոտ չի հայտնաբերվել որևէ փաստաթուղթ:

Նշվում է, որ Ուկրաինայի քաղաքացին սահմանային գոտի մուտքի կանոնների խախտման համար ենթարկվել է վարչական պատասխանատվության: Այլ մանրամասներ չեն հաղորդվում:

Հիշեցնենք, որ Ղրիմը Ռուսաստանին է կցվել 2014 թվականին: