Գերմանիայում 500 ուղևորի են տարհանել գնացքից ռումբի մասին հաղորդման պատճառով
Գերմանիայում իրավապահ մարմինների աշխատակիցները մոտ 500 ուղևորի են տարհանել գերարագընթաց գնացքներից մեկից:
Ինչպես հաղորդում է ТАСС գործակալությունը՝ հղում անելով քաղաքի ոստիկանության թվիթերյան հաղորդագրությունը, տարհանումն իրականացվել է Ֆրանկֆուրտում:
Ներկա պահին քննչական միջոցառումներ են իրականացվում: Իրավապահ մարմինները կոչ են արել հանգստություն պահպանել:










