Անթալիայի օդանավակայանում փոթորիկը շրջել է ուղևորատար ավտոբուսը. կա 12 տուժած

16:40 • 26.01.19

Թուրքական Անթալիայի օդանավակայանում փոթորկի հետևանքով 12 մարդ է տուժել, ինչի մասին հայտնել է նահանգապետ Մյունիր Քարալօղլուն:

Ինչպես նշում է ria.ru-ն, պաշտոնյան մանրամասնել է, որ օդանավակայանի տարածքով անցած փոթորիկը շրջել է ուղևորներին դեպի օդանավ տեղափոխող ավտոբուսը:

Բացի այդ, փոթորիկը վնասել է ինքնաթիռն ու սանդուղքը:

Այնուհանդերձ՝ արտակարգ պատահարը չի ազդել օդանավակայանի բնականոն աշխատանքի վրա: