Ավստրալիայի տներից մեկի զուգարանակոնքում հայտնված վիշապօձը խայթել է իր բարեկամին այցելած կնոջը
Ավստրալիայի Բրիսբեն քաղաքի տներից մեկում կնոջը խայթել է զուգարանակոնքում հայտնված օձը:
Ինչպես հաղորդում է BBC-ն, տուժողը 59-ամյա Հելեն Ռիչարդսն է, որը գտնվել է իր բարեկամի տանը: Վերջինս թեթև վերք է ստացել: Կնոջը ոչ թունավոր վիշապօձ է խայթել:
Օձերին որսալու ծառայությունից ժամանած մասնագետը նշել է, որ դա սովորական երևույթ է, երբ օձերը շոգ եղանակին զովանալու համար ջուր փնտրելիս հայտնվում են զուգարանակոնքում:
Հիշեցնենք, որ նմանօրինակ միջադեպ օրեր առաջ արձանագրվել էր միևնույն քաղաքում, սակայն նախորդ դեպքում օձը ոչ ոքի չէր խայթել, սողունին շուտ էին նկատել:










