Թուրքիայում մարդկանց միայն 27 տոկոսն է վստահում տեղական լրատվամիջոցներին. Edelman
Թուրքիայում քաղաքացիների միայն 27 տոկոսն է վստահում թուրքական լրատվամիջոցների հաղորդած տեղեկություններին: Այդ մասին պարզ է դարձել մարքեթինգի և հաղորդակցության ոլորտում համաշխարհային առաջատար Edelman ընկերության «Վստահության բարոմետր» հետազոտությունից:
Սա նշանակում է, որ Թուրքիայում յուրաքանչյուր 4 քաղաքացուց 3-ը չի վստահում տեղական լրատվամիջոցներին:
Բացի այդ, թուրքերի 60 տոկոսը որպես կառույց չի վստահում Եվրամիությանը, իսկ 59 տոկոսը չի վստահում նաև ՄԱԿ-ի գործունեությանը:
ՄԱԿ-ի և ԵՄ-ի հանդեպ նման վերաբերմունքով Թուրքիայի քաղաքացիները զիջում են միայն Ռուսաստանին ու Ճապոնիային:
Հարցման մասնակիցների 48 տոկոսը նաև անկեղծացել է, որ չի վստահում կառավարության վարած թե՛ ներքին, թե՛ արտաքին քաղաքականությանը:










