Ճապոնիայում առցանց աճուրդի ժամանակ ուրան է վաճառվել
Ճապոնիայում առցանց աճուրդի ժամանակ ուրան է վաճառվել: Ըստ The Mainichi պարբերականի՝ այս մասին հայտնել է Տոկիոյի ոստիկանությունը՝ մեկ տարի տևած հետաքննության արդյունքում:
Անցած տարվա հունվարին ատոմային էներգիայի վերահսկման վարչության մասնագետի ուշադրությունը գրավել էր ուրանի առցանց աճուրդի մասին հայտարարությունը: Խոսքը համեմատաբար ցածր ռադիոակտիվությամբ, այսպես կոչված, քայքայված ուրանի մասին էր:
Հետաքննության արդյունքում ոստիկանությանը հաջողվել է գտնել վաճառողին և գնորդին: Վաճառողը հայտարարել է, որ ուրանը գնել է արտասահմանյան կայքերից մեկից:
Դեպքի առթիվ հետաքննությունը շարունակվում է:
Ճապոնիայում օրենքով արգելված է առանց համապատասխան թույլտվության ռադիոակտիվ նյութերի վաճառքը:










