Իրանի հարավում ահաբեկիչները հարձակվել են Իսլամական հեղափոխության պահապանների կորպուսի շտաբի վրա
Իրանի հարավ-արևելքում գտնվող Նիքշեհր քաղաքում Իսլամական հեղափոխության պահապանների կորպուսի շտաբի վրա ահաբեկիչների հարձակման հետևանքով զոհվել է 1, վիրավորվել՝ 5 մարդ, գրում է «ՌԻԱ Նովոստի» գործակալությունը՝ իրանական լրատվամիջոցներին հղումով:
Գործակալության տվյալների համաձայն՝ հարձակումն իրականացվել է Կորպուսի մոբիլիզացիոն ուժերի շտաբի վրա:
Ինչպես հայտնում է «Մեհր» գործակալությունը, հարձակման պատասխանատվությունը ստանձնել է «Ջաիշ ալ Ադլ» ահաբեկչական խմբավորումը, որը կապ ունի «Ալ Քաիդա» խմբավորման հետ:










