Հունաստանի ռեստորաններից մեկում գազի պայթյունի հետևանքով 3 մարդ է զոհվել, այդ թվում` հաստատության տնօրենը
Հունաստանի Կալամատա քաղաքի ռեստորաններից մեկում գազի բալոնի պայթյունի հետևանքով երեք մարդ մահացել է, մեկը` վիրավորվել: Այդ մասին հայտնում է Greek Reporter-ը:
Աղբյուրի փոխանցմամբ` գազի պայթյունի հետևանքով մահացել են ռեստորանի սեփականատերն ու երկու աշխատակիցները:
Դեպքի վայրում աշխատում են ոստիկանությունն ու փրկարար ծառայությունը:
Նշվում է, որ Հունաստանում ձմռանը գազի բալոններն օգտագործվում են ռեստորանները և սրճարանները ջեռուցելու համար:










