Արխանգելսկում ադրբեջանցի գործարար է սպանվել
Ռուսաստանի Արխանգելսկ քաղաքում անհայտ անձանց կողմից ադրբեջանցի գործարար է սպանվել:
Ինչպես հաղորդում է Minval.az-ը, սպանված գործարարը ծնունդով Աղդաշի շրջանից էր, 1992 թվականին ծնված Ռուսլան Արիֆ օղլի Հուսեյնովը:
Ադրբեջանական լրատվամիջոցների հաղորդմամբ՝ գործարարի ուղղությամբ 5 կրակոց են արձակել, ինչի հետևանքով նա տեղում մահացել է:
Միջադեպը տեղի է ունեցել հունվարի 31-ի լույս փետրվարի 1-ի գիշերը: Սպանության կատարողները դեռևս անհայտ են: Նշվում է, որ Հուսեյնովն Արխանգելսկում փայտի բիզնեսով է զբաղվել: Կատարվածի առնչությամբ հետաքննություն է անցկացվում:










