Ուկրաինայում կինը պաշտոնապես ամուսնացել է ինքն իր հետ
Ուկրաինայի Դնեպր քաղաքի բնակչուհին պաշտոնապես ամուսնացել է ինքն իր հետ: Информатор պարբերականի հաղորդմամբ` դա տեղի է ունեցել անձնագրային ծառայության աշխատակցի սխալի արդյունքում:
Աղբյուրը նշել է, որ նման թյուրիմացություն է տեղի ունեցել թղթից անձնագիրը ID քարտով փոխարինելու ժամանակ: Անձնագրային բաժնի աշխատակիցը «ամուսնական կարգավիճակ» սյունակում ամուսնու անվան փոխարեն լրացրել է կնոջ անունը:
Անձնական տվյալներին նայելիս կարելի է տեսնել հետևյալը` Աննան ամուսնացած է Աննայի հետ: Անձնագրային բաժնից լրագրողի հարցմանն ի պատասխան նշել են, որ սխալը կարող են ուղղել զագսում կամ իրենց մոտ` կրկին իրենց հերթը հասնելուց հետո միայն:










