Մեծ Բրիտանիայում առևանգել են ճուռակին, որը պաշտպանում էր Հիթրոու օդանավակայանի թռիչքուղին այլ թռչուններից

02:54 • 04.02.19

Մեծ Բրիտանիայում անհայտ անձինք առևանգել են Մայլո մականունով 6-ամյա ճուռակին, որը պաշտպանում էր Լոնդոնի Հիթրոու օդանավակայանի թռիչքուղին այլ թռչուններից, հաղորդում է Sky News հեռուստաալիքը:

Հեռուստաալիքի տվյալներով՝ միջադեպը տեղի է ունեցել հինգշաբթի երեկոյան օդանավակայանի մոտակայքում գտնվող հուրանոցի ավտակայանատեղիում: Տեսախցիկները ֆիքսել են, թե ինչպես են երեք տղամարդ կոտրում այն մեքենայի պատուհանը, որտեղ գտնվել է թռչունը, և դուրս բերում նրան սրահից:

Ոստիկանությունը հետաքննություն է սկսել: Մայլոյի տիրուհին հազար ֆունտ ստեռլինգի (ավելի քան 1300 դոլար) չափով դրամական պարգև է խոստացել ճուռակին վերադարձնողին: