Անառողջ և սխալ բուժված կենդանու վերադարձը Կենդանաբանական այգի ներկայացնում ենք որպես ձեռքբերում, ինչը սխալ ազդակ է. Օվսաննա Հովսեփյան

15:51 • 24.06.20

Կենդանաբանական այգու բնակիչ սպիտակ առյուծի մասին հնչեցին կարծիքներ, որ սպիտակ առյուծի եզակի ցեղատեսակ է, սակայն դա իրականությանը չի համապատասխանում, քանի որ սպիտակ առյուծը սովորական աֆրիկյան առյուծ է պարզապես սպիտակ է և դա կապված է ազգակցական խաչասերման արդյունքում ստացված ռեցիսիվ գենով՝ մելատոնին պիգմենտի բացակայությամբ. Երևանի ավագանու այսօրվա նիստում իր ելույթում նշեց ավագանու «Իմ քայլը» խմբակցության անդամ Օվսաննա Հովսեփյանը:

«Նման կենդանիները ստացվում են անազատության պայմաններում բուծելու արդյունքում և նրանք ունենում են առողջական մի շարք խնդիրներ՝ ոսկրային դեֆորմացիաներ, որը առկա է մեր առյուծի մոտ: Կենդանու բարեկեցության տեսակետից, երբ նրան տարել ենք մի վայր, որտեղ կա արու առյուծ և կենդանին դատապարտված է լինելու մենակ և իզոլացված, որը բարեկեցության կոպտագույն խախտում է: Հիմա ստացվում է, որ անառողջ և սխալ բուծված կենդանու կենդանաբանական գալը մենք ներկայացնում ենք, որպես ձեռքբերում, ինչը սխալ ազդակ է և դրանով չենք դատապարտում մասնավոր անձանց կողմից վայրի կենդանիներ բուժելը և պահելը»:

Հայկ Մարությանը նշեց, որ որոշումը ընդունվել է տարբեր մասնագետների կողմից, և եթե սխալ տեղեկատվություն է տրվել, կարող ենք նորից քննարկել:

Քաղաքապետի տեղակալ Տիգրան Վիրաբյանը նշեց, որ կենդանու մոտ կարող է միայնակ ժամանակ խնդիրներ առաջանալ, բայց ամեն ինչ կարվի, որպեսզի կենդանին խնդիրներ չունենա, իսկ առողջության հետ կապված կարող են հարցնել Կենդանաբանական այգուց:

«Ցանկացած կենդանի, որ մտնում է Կենդանաբանական այգի, ստուգվում է»,- ասաց նա՝ ավելացնելով, որ եթե խնդիր լիներ, տեղի մասնագետները կարձագանքեին: