Գծանշումների առումով քաղաքապետարանը խիստ թերացումներ ունի, քաղաքի 80 տոկոս հատվածներում չկան գծանշումներ. Թեհմինա Վարդանյան (տեսանյութ)
Երևանի ավագանու անդամ Թեհմինա Վարդանյանը հարց ուղղեց քաղաքապետ Հայկ Մարությանին.
«Վստահ եմ գիտեք, որ ունենք լուրջ խնդիր. քաղաքի 80 տոկոս հատվածում չկան գծանշումներ, էլ չեմ խոսում ճանապարհային երթևեկության նշանների մասին: Հիմա դուք, այդ ամենը հրելով գցելու եք ճանապարհային ոստիկանության դաշտը, բայց կարծում եմ գծանշումների առումով քաղաքապետարանը խիստ թերացումներ ունի և վստահ եմ անձամբ՝ Դուք շատ լավ գիտեք ինչի՞ կարող է հանգեցնել գծանշումների և երթեկության նշանների բացակայությունը մանավանդ մեծ հրապարակներում, ընդհուպ մինչ, հետիոտնային անցումներում խցանումների, վրաերթերի և մարդասպանությունների»:
Հայկ Մարությանը նշեց, որ այս հարցին հիմա չի պատասխանի, քանի որ նիստի հարցուպատասխան բաժինը նախատեսված է հարցերի համար.
«Ամեն նիստում հնարավորությունը կա հարցուպատասխանի ժամանակ հարցեր տալու: Մի ալարեք, սպասեք մի քանի ժամ: Գիտեմ դժվար է՝ ամառ է, շատ մարդ, երկար ժամանակ պետք է անցկացնեք, բայց կգրանցվեք և կտաք մյուս հարցերը»:










