Հայաստանը տարածաշրջանում առաջատարն է 1 մլն շնչի հաշվով կորոնավիրուսով վարակման և մահացության ցուցանիշով․ վարակման ցուցանիշով աշխարհում 12-րդն է
Հայաստանը տարածաշրջանում շարունակում է առաջատարը լինել 1 մլն բնակչության հաշվով կորոնավիրուսով վարակման, ինչպես նաև հիվանդությունից մահացության ցուցանիշներով:
Ինչպես վկայում են worldometers.info կայքի տվյալները, հունիսի 24-ի դրությամբ 1 մլն բնակչության հաշվով կորոնավիրուսով վարակման ցուցանիշը Հայաստանի համար կազմում է 7329, մահացության ցուցանիշը՝ 130:
Վերջին տվյալների համաձայն՝ տարածաշրջանում 1 մլն շնչի հաշվով կորոնավիրուսով վարակման ցուցանիշներն ունեն հետևյալ տեսքը.
1. Հայաստան - 7329
2. Ռուսաստան – 4159
3. Իրան - 2531
4. Թուրքիա – 2273
5. Ադրբեջան – 1411
6. Վրաստան – 229
Տարածաշրջանում 1 մլն շնչի հաշվով կորոնավիրուսից մահացության ցուցանիշներն այսպիսին են.
1. Հայաստան - 130
2. Իրան - 119
3. Թուրքիա – 60
4. Ռուսաստան – 58
5. Ադրբեջան – 17
6. Վրաստան – 4
Նշենք նաև, որ կայքի տվյալների համաձայն՝ Հայաստանը 1 մլն բնակչության հաշվով կորոնավիրուսով վարակման ցուցանիշով ներկա պահին գտնվում է 12-րդ հորիզոնականում: Մեզ նախորդում են ԱՄՆ-ն Չիլին, Բահրեյնը, Կատարը, Ֆրանսիական Գվինեան, Մայոտը, Անդորան, Սան Մարինոն, Վատիկանը, Քուվեյթը, Պերուն:
Այսօր ավելի վաղ հրապարակված տվյալների համաձայն՝ Հայաստանը 11-րդ տեղում էր՝ շրջանցելով ԱՄՆ-ին:
Հիշեցնենք, որ Հայաստանում վերջին մեկ օրում արձանագրվել է կորոնավիրուսով վարակման 711, մահվան՝ 18 դեպք: Ընդհանուր առմամբ, վարակվածների թիվը մեր երկրում հասել է 21 717-ի, մահացածներինը՝ 516-ի:
Մեկ օրում առողջացածների թիվը 653 է, ընդհանուր առողջացածներինը՝ 10 797, փաստացի բուժվողներինը՝ 10 404 (մեկ օրում ավելացել է 40-ով):










