Հարավային Աֆրիկայում անօդաչուն պատկերել է, թե ինչպես է շնաձուկը մոտեցել ծովում գտնվող սերֆերներին (տեսանյութ)

19:36 • 24.06.20

Հարավաֆրիկյան Հանրապետությունում առափնյա փրկարար ծառայությունը զգուշացրել է լողորդներին և սերֆերներին ուշադիր լինել, երբ վերջերս հսկայական սպիտակ շնաձուկ է երևացել ծովում նավարկողների կողքին:

Ինչպես հայտնում է CNN-ը, կատարվածը նկարահանվել է անօդաչու թռչող սարքի օգնությամբ: Տեսանյութում պատկերվում են Քեյփթաուն քաղաքի ափերը ողողող ջրերը: Այս տարածքը հայտնի է որպես ծովային գիշատիչներին հանդիպելու ամենալավ վայրերից մեկը, սակայն հետազոտողների տվյալներով՝ շնաձկների թիվը զգալիորեն կրճատվել է այս տարածաշրջանում:

Նշվում է, որ շնաձկները ափամերձ հատվածին սկսել են մոտենալ անցյալ շաբաթ, երբ մի քանի նման դեպք է արձանագրվել: