Լրացուցիչ թեստավորվողներ են եղել, պատասխանները բացասական են. Տիգրան Գալստյանը՝ պատգամավորների` կորոնավիրուսով վարակվելու մասին
Այսօր «Իմ քայլը» խմբակցության ղեկավար Լիլիթ Մակունցը հայտնել էր, որ պատգամավորների շրջանում մի քանիսը կորոնավիրուսի թեստ են հանձնել:
«Իմ քայլը» խմբակցության պատգամավոր Ծովինար Վարդանյանը երեկ Tert.am-ի հետ զրույցում նշել էր, որ նա ևս թեստավորվել է և այսօր ֆեյսբուքյան իր էջում գրել էր, որ թեստի պատասխանը դրական է:
Tert.am-ը զրուցեց ԱԺ աշխատակազմի ղեկավար Տիգրան Գալստյանի հետ՝ պարզելու, թե արդյոք կորոնավիրուսով վարակված պատգամավորների թիվն ավելացել էլ: Գալստյանը նշեց, որ հայտարարված տեղեկություններին ոչինչ ավելացնել չի կարող: «Լրացուցիչ թեստավորվողներ են եղել, պատասխանները բացասական են»,- ասաց նա:
Հարցին, թե «Իմ քայլը» խմբակցության պատգամավոր Հայկ Գևորգյանի մոտ ևս հաստատվե՞լ է կորոնավիրուս, Գալստանը պատասխանեց՝ նման ինֆորմացիայի չի տիրապետում:
Նշենք, որ ավելի վաղ տեղեկացրել էինք նաև, որ կորոնավիրուս է հաստատվել պատգամավորներ Վիկտոր Ենգիբարյանը և Քրիստինե Պողոսյանի մոտ:










