«Որտե՞ղ են ցուցարարները»․ Թրամփը մեկնաբանել է սևամորթների կողմից սպիտակամորթ քաղաքացիների վրա հարձակումները՝ հարցնելով, թե ինչու այդ դեպքերից հետո համազգային ցույցեր չեն սկսվել (տեսանյութ)

14:28 • 25.06.20

Աֆրոամերիկացի իրավախախտ Ջորջ Ֆլոյդի մահից հետո գրեթե մեկ ամիս ընթացող բողոքի ցույցերի ֆոնին ԱՄՆ նախագահ Դոնալդ Թրամփը Twitter-ում մի քանի տեսանյութերով է կիսվել, որտեղ սպիտակամորթ քաղաքացիները հարձակման են ենթարկվում սևամորթ քաղաքացիների կողմից՝ հարցնելով, թե ինչու այս դեպքերից հետո էլ համազգային ցույցեր չեն սկսվել։

Ինչպես գրում է Yahoo news-ը, ԱՄՆ նախագահը նախ Twitter-ում «ռեթվիթ» է արել 2019 թվականի հոկտեմբերին տեղի ունեցած միջադեպի տեսանյութը, որտեղ 28-ամյա սևամորթ տղամարդը Բրուքլինի մետրոյում հրում է սպիտակամորթ կնոջը։

«Սարսափելի է»,- գրել է Թրամփը։

Այնուհետև Սպիտակ տան ղեկավարը «ռեթվիթ» է արել մի տեսանյութ, որտեղ սևամորթ տղամարդը խանութներից մեկում հարձակվում է սպիտակամորթ աշխատակցի վրա։

«Տեսեք՝ ինչ է կատարվում։ Որտե՞ղ են ցուցարարները։ Ձերբակալվե՞լ է այս մարդը»,- գրել է Թրամփը։

Տեսանյութը կարող եք դիտել այստեղ։