Ղազախստանի գյուղերից մեկի բնակիչները փողոցում զբոսնող առյուծ են նկատել (լուսանկար)
Ղազախստանի հարավարևմտյան Մանգիստաուի մարզի գյուղերից մեկի բնակիչները գյուղի փողոցներում զբոսնող առյուծի են գտել: Այս մասին իր ֆեյսբուքյան էջում տեղեկացրել է Ղազախստանի էկոլոգիայի, երկրաբանության և բնական ռեսուրսների նախարարության անտառտնտեսության և կենդանական աշխարհի կոմիտեի մամուլի քարտուղար Սակեն Դիլդահմետը:
Նրա խոսքով` հունիսի 25-ի առավոտյան մարզի Աքշուքըր գյուղական համայնքի բնակիչները տեղեկացրել են գյուղում առյուծի ներկայության մասին:
«Ոստիկանության բաժանմունքի ու Մանգիստաուի մարզի անտառտնտեսության և կենդանական աշխարհի տարածաշրջանային տեսչական մարմնի ներկայացուցիչները մեկնել են դեպքի վայր՝ գիշատիչ կենդանուն որսալու: Մասնագետները բռնել են առյուծին, և այժմ կենդանին գտնվում է հսկողության տակ «Կոշկար Աթա» կոչվող տարածքում: Մոտավոր 1-1,5 տարեկան է, արու է, աֆրիկյան առյուծների տարատեսակներից մեկն է: Տեսքից ելնելով` ընտանի առյուծ է, մարդկանցից չի վախենում»,-գրել է Դիլդահմետը:
Նա նշել է նաև, որ «առյուծի տիրոջ ինքնությունը պարզելուց և փաստաթղթերը ստուգելուց հետո կորոշվի առյուծի ճակատագիրը»:












