ԱՄՆ-ն հավելյալ զորքեր կտեղակայի Լեհաստանում
ԱՄՆ նախագահ Դոնալդ Թրամփը հայտնել է, որ այն դեպքում, երբ Լեհաստան ամերիկյան հավելյալ զորքեր ուղարկվեն, ապա անհրաժեշտ ծախսերը հոգալու է լեհական կողմը: Այս մասին հայտնում է РИА Новости-ն:
«Մենք նրանց հավելյալ զորքեր կուղարկենք, իրենք դրա համար կվճարեն: Հնարավոր է՝ տեղափոխենք Գերմանիայից»,- հայտնել է Թրամփը՝ մամուլի ասուլիսի ժամանակ:
Իր խոսքով՝ ԱՄՆ-ն կնվազեցնի Գերմանիայում իր զորքերի քանակը, որոնց մի մասը տուն կվերադառնա, իսկ որոշ մասն էլ կտեղափոխվի եվրոպական այլ վայրեր:
«Լեհաստանն այդ վայրերից մեկն է»,- հավելել է նա:










