Ալյասկայում հայտնաբերել են 1952 թվականի ավիաաղետի հետևանքով զոհվածների մասունքները (լուսանկարներ)
Ամերիկացի զինվորականները հայտնաբերել են 1952 թվականին ԱՄՆ Ալյասկա նահանգում տեղի ունեցած ավիավթարի զոհերի մասունքները, գրում է Associated Press-ը։
Պեղումների ընթացքում զոհերի մասունքներից բացի հայտնաբերվել են նաև ուղևորների իրերը՝ Բուդդայի արձանիկ, փոստային նամականիշներ և այլ իրեր։
Վաշինգտոնից Ալյասկա թռչող C-124 Globemaster ռազմական ինքնաթիռը 1952 թվականի նոյեմբերի 22-ին Անկորիջա քաղաքից ոչ հեռու բախվել էր Հեննետ լեռանը: Զոհվել էր 41 ուղևոր և անձնակազմի 11 անդամ:
Ավիաաղետից անմիջապես հետո զոհվածների աճյունները դուրս բերել չէր հաջողվել, ավելի ուշ ինքնաթիռը սահել էր լեռան ստորոտին, որն, ի վերջո, վերածվել էր սառցադաշտի։
Ինքնաթիռների մնացորդների և բեկորների որոնումները սկսվել են միայն 2012 թվականին, երբ ռազմական ուսումնական առաքելությունը սառցադաշտի վրա դեղին փրկարարական լաստ է հայտնաբերել: Ներկայում հաջողվել է նույնականացնել 43 զոհվածների աճյունները։














