Հրազդանի կիրճում բռնկված հրդեհը մեկուսացվել է․ ԲԻՍ 1 կանչով դեպքի վայր է մեկնել 5 մարտական հաշվարկ, այնտեղ է նաև ԱԻՆ ՓԾ տնօրենի տեղակալը (լրացված)

19:11 • 27.06.20

19։00

Ըստ նախնական տվյալների՝ այրվում է մոտ 4 հա խոտածածկ տարածք։

Հրդեհը մեկուսացվել է ժամը 19։08-ին։

Դեպքի վայրում է գտնվում ԱԻՆ Փրկարար ծառայության տնօրենի տեղակալ Արմեն Գրիգորյանը։

Հունիսի 27-ին, ժամը 17։38-ին Ճգնաժամային կառավարման ազգային կենտրոն ահազանգ է ստացվել, որ Երևանի Հրազդանի կիրճում՝ «Ֆլորենս» ռեստորանի մոտակայքում, այրվում է խոտածածկ տարածք։ Այս մասին տեղեկացնում է ԱԻՆ-ը։

Հայտարարվել է հրդեհի բարդության «1-ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և հրդեհաշիջման և փրկարարական աշխատանքների կազմակերպման բաժնի օպերատիվ խումբը։ 

Այնուհետև դեպքի վայր է մեկնել ևս մեկ մարտական հաշվարկ: