ՌԴ-ի Վոլոգոդսկի շրջանում ականատեսները նկարահանել են հսկայական պտտահողմը (տեսանյութ)
Ականատեսները տեսանկարահանել են Ռուսաստանի Դաշնության Վոլոգդայի մարզի Վոլոգոդսկի շրջանում մոլեգնող խոշոր պտտահողմը:
Ինչպես ներկայացնում է РИА Новости-ն, բնության երևույթը պատկերող ուշագրավ տեսանյութը հրապարակվել է ВКонтакте սոցցանցում: Տեսանյութում երևում է, թե ինչպես է հսկայական պտտահողմը վեր բարձրանում երկրից, իսկ երկնքում կայծակներ են երևում:
Ուժեղ քամու պատճառով, ինչպես երևում է, ծառերը ևս ուժգին տատանվում են:
Հաղորդվում է, որ տորնադոն հասել է Վոլոգդայի մարզի Տարնոգսկի շրջանի բնակիչներին: Տուժածների մասին տեղեկություններ դեռևս չեն ստացվել, սակայն տորնադոյի հետևանքով մի քանի տասնյակ ծառերն են արմատախիլ եղել:










