Պակիստանում ֆոնդային բորսայի վրա կատարված ահաբեկչական հարձակման հետևանքով 8 մարդ է մահացել (տեսանյութ, լուսանկարներ)
Պակիստանի Կարաչի քաղաքում գտնվող ֆոնդային բորսայի շենքի վրա կատարված ահաբեկչական հարձակման հետևանքով 8 մարդ է մահացել, ևս 7 մարդ վիրավորվել է: Այս մասին տեղեկացնում է Geo TV հեռուստաընկերությունը:
Հաղորդվում է, որ 4 ահաբեկիչ շենքի մուտքի մոտ նռնակ է պայթեցրել և սկսել է անկանոն կրակ բացել ինքնաձիգներից: Դեպքի վայր ժամանած ուժայինները չեզոքացրել են բոլոր ահաբեկիչներին, վերջիններս սպանված են: Դեպքի ժամանակ մահացել է նաև երեք թիկնապահ և մեկ ոստիկան:
Բորսայի այցելուներին տարհանել են պահեստային ելքով:
Իրավապահների տվյալներով` այժմ շենքում ստուգումներ են իրականացվում:
Ահաբեկիչները հագնված են եղել այնպես, ինչպես հագնվում են ոստիկանները ծառայությունից ազատ ժամանակ: Նրանց մոտից առգրավվել են ԱԿ-47 ինքնաձիգներ, ձեռքի նռնակներ և այլ պայթուցիկ իրեր:
Տեսանյութն` այստեղ:


















