Սոցցանցում չինացի երգչին արգելափակել են Չինաստանի առաջնորդ Սի Ծինփինին նման լինելու պատճառով

02:29 • 01.07.20

Չինացի օպերային երգիչ Լյու Քեցինին Tik Tok սոցիալական ցանցում արգելափակել են Չինաստանի նախագահ Սի Ծինփինի հետ արտաքին նմանության պատճառով: Այս մասին հայտնում է Daily Mail-ը:

Ինչպես պատմել է ինքը՝ երգիչը, իր օգտահաշիվն այդ պատճառով արգելափակվում է արդեն 3-րդ անգամ, չնայած ինքը բազմաթիվ անգամներ ապացուցել է իր ինքնությունը: Lenta.ru-ի փոխանցմաբ՝ այս պահին սոցցանցում երգչի օգտահաշիվը հասանելի է, սակայն որոշ տեսանյութերի մեկնաբանությունների հատվածները փակ են:

Նշվում է, որ չինացի նախագահի 63-ամյա նմանակը բնակվում է Բեռլինում: Իր էջին, որտեղ նա դնում է իր երգերից հատվածներ, բաժանորդագրված է ավելի քան 41 հազար մարդ: