Մայրաքաղաքի վարկային կազմակերպությունների գրասենյակների դիմաց քաղաքացիների կուտակումներ են նկատվել. Ոստիկանությունը հորդորում է պահպանել սոցիալական հեռավորություն (տեսանյութ)

00:17 • 01.07.20

Տեղեկություններ են ստացվել, որ այսօր մայրաքաղաքի վարկային կազմակերպությունների գրասենյակների դիմաց քաղաքացիների կուտակումներ են, որոնք չեն պահպանում սոցիալական հեռավորություն։ Այս մասին հայտնում են Ոստիկանությունից: 

Ոստիկանության ծառայողները օպերատիվ կերպով մեկնել են նշված վայրեր և կարգավորել են իրավիճակը։

Ոստիկանները քաղաքացիներին հորդորել են պահպանել սոցիալական հեռավորություն։

Հարգելի՛ քաղաքացիներ կոչ ենք անում կրել դիմակ և պահպանել սոցիալական հեռավորություն, իսկ կազմակերպություններին հորդորում ենք գրասենյակների դիմաց հերթերը կանոնակարգել այնպես, որ չխախտվի Պարետի որոշումները։ Խախտողները կենթարկվեն պատասխանատվության։