Ես եմ ընտրում՝ ով կարող է ինձ օգնել և խորհուրդ տալ, դա հանրային քննարկման թեմա չէ. Արայիկ Հարությունյանը՝ իր վարած կադրային քաղաքականության մասին
Շուտով ներկրելու ենք ոչխարների քանակ, քանի որ մեր առկա ռեսուրսների վերարտադրության հաշվին հնարավոր չէ իրականացնել այդ ծրագիրը: Ներմուծված գլխաքանակը տրամադրվելու է արտոնյալ վարկի տեսքով. այսօր այս մասին իր ծրագրի ներկայացման ելույթում նշեց Արցախի նախագահ Արայիկ Հարությունյանը՝ ընդծելով, որ առաջին ներմուծումը հավանաբար կլինի սեպտեմբեր- հոկտեմբեր ամսից, կփորձեն մինչև 50 հազար գլուխ ներկրել:
Նախագահի հավաստմամբ՝ դաշտավարությունը, բանջարաբուծությունը, գյուղատնտեսությունը, ոռոգման համակարգը մեծ տեմպերով զարգացում է ունենալու. «Չմշակված հողերը պետք է ամբողջը մշակել, սա մեր գլխավոր խնդիրն է լինելու: Արցախում անմշակ հող չպետք է լինի, սա մեր գլխավոր խնդիրն է և դրան հասնելու ենք»:
Նրա խոսքով՝ ամենակարևոր ծրագրերից մեկը բնակարանաշինությունն է, ինչպես որ հայտարարվել է՝ տարեկան 1000 բնակարան, յուրաքանչյուր ընտանիք առանձին բնակարան պետք է ունենա, որը 4-5 տարվա մեջ կլյանքի է կոչվելու: Բնակարանաշինության ծրագրերը գործելու է ոչ միայն Ստեփանակերտում, այլև շրջկենտրոններում:
«Մենք նախատեսում ենք նաև մեծ ծավալի հասցնել ճանապարհաշինության աշխատանքները, հայտարարվել է առաջիկա 5 տարիներին նվազագույնը 80 կմ ճանապարհի կառուցում, եթե հաշվենք 400 կմ ասֆալտապատ նոր տարածք, ապա կտեսնենք, թե ինչպես է փոխվելու մեր հայրենիքը և զբոսաշրջության, տնտեսության զարգացման և ամենակարևորը մեր հայրենակիցների հարմարավետության համար, որպեսզի նրանք երթևեկեն ավելի լավ պայմաններում: Դրան զուգահեռ՝ գյուղերում գլխավոր խնդիրն է լինելու սալապատումը: Տարեկան 300 հազար մ/ք սալապատում 5 տարում, ինչը փոխելու է մեր գյուղը»:
Արցախի նախագահը նշեց, որ արդեն հանձնարարված է անվճար բարձրագույն կրթություն իրականացնելու ծրագիրը .
«Որևէ մեկը թող չկասկածի, որ ունենալու ենք ավելի որակյալ բարձրագույն կրթություն, քան այսօր և ՝անվճար, իսկ քննադատողներն այլ ուղղություն թող փնտրեն: Սոցիալական և կրթական մեր գլխավոր հեղափոխական ծրագրերից մեկն է լինելու, համբերեք, ընդամենը և կտեսնեք առողջապահության համակարգում իրականացնելու ենք պետպատվեր 100 տոկոս ծրագիրը և բարձրացվելու է առողջապահական համակարգի աշխատակիցների աշխատանքը: Չի բացառվում, որ առաջին քայլը լինի սեպտեմբերից»,-նշեց նա:
Անդրադառնալով կադրերի քաղաքականությանը, Արայիկ Հարությունյանը նշեց, որ շատերը չընդգրկվելով, կադրային նշանակումներում փորձում են թիրախավորել իրենց պարտավորություններն ստանձնած քաղաքացիներին:
«Ես եմ ընտրում, ով կարող է ինձ օգնել և խորհուրդ տալ, դա հանրային քննարկման թեմա չէ, հանգիստ եղեք, այն մարդկանց ում ընտրել եմ՝ օգնական և խորհրդական, գիտեմ տվյալ անձիք, ինչպես են ինձ օգնելու: Որևէ պաշտոնյա առանց աշխատանքի չի մնալու, նրանք ովքեր չեն աշխատելու ՝ազատվելու են: Ուզում եմ վստահ լինեք, որ նախագահական ապարատը ամեն ինչ անելու է հայրենակիցների խնդիրները լուծման ահամր: Նախագահական ապարատը շատ ուժեղ վերահսկելու է կառավարության գործունությունը՝ ոչ միայն օգնելու է նախագահին, այլև ուշադրության կենտրոնում է պահելու մեր հայրենակիցների խնդիրները: Մի շարք խորհրդականներ, ովքեր թոշակառու են և եկամուտ չունեն, աշխատելու են հասարակական հիմունքներով, և դա լինելու է պարտականութուն հայրենիքի հանդեպ». ավելացրեց նա:










