«Զարմանում եմ, որ մարդն իրեն հայ է կոչում, բայց չգիտի, թե Նիկոլ Փաշինյանն ինչքան վտանգավոր է». ակցիայի մասնակից (տեսանյութ)
Ես միացել եմ երթին, որովհետև ես հայ եմ ու իմ հայությունն ու ազգը ուզում եմ պահել, չեմ ուզում, որ Նիկոլ Փաշինյանի նման մեկը ծախի մեր հողերը, որովհետև ինքը դավաճան է: Այս մասին այսօր Նիկոլ Փաշինյանի հրաժարականը պահանջող հանրահավաքի ժամանակ ասաց սփյուռքահայ Ալենուշ Հովհաննիսյանը:
Նա նշեց, որ հայը չպետք է թույլ տա, որ այսպիսի մարդիկ գան, Արցախը հանձնեն, հետո նաև Հայաստանը հանձնեն, սրա համար պետք է նրան հեռացնեն պաշտոնից:
«Քարվաճառը տվել ենք, սա նշանակում է, որ նրանք մեր սահմանին են, մարդ պետք է հիմար լինի, որ չհասկանա, թե ինչ է կատարվում մեր երկրում: Ես նեղված եմ, որ ամբողջ հայ ժողովուրդն այստեղ չէ: Նոյեմբերի 10-ին, երբ նա դա ստորագրեց, ես սպասում էի, որ բոլոր երկրների հայերը կգան այստեղ: Զարմանում եմ, որ մարդն իրեն հայ է կանչում, բայց չգիտի, թե հիմա ինչ է կատարվում է և ինչքան վտանգավոր է այս մարդը. պիտի հեռանա»:










