Տղամարդը կռվել է արջի դեմ` հանուն շան փրկության (լուսանկարներ)
Ամերիկացի Քալեբ Բենհամը կռվի է բռնվել արջի հետ, որը փորձել էր գողանալ իր շուն Բադիին: Արդյունքում տղամարդը հաղթել է, իսկ գիշատիչը բաց է թողել ընտանի կենդանուն: Այս մասին տեղեկացնում է Daily Mail պարբերականը:
Բենհամը պատմել է, որ տարօրինակ ձայն է լսել տան մոտից, որտեղ խաղում էր իր փիթբուլը: Դուրս գալով փողոց ՝ նա տեսել է մի արջի, որը քաշում էր իր շան գլուխը: «Ես պարզապես վազեցի այնտեղ, նետվեցի դեպի արջը, բռնեցի կոկորդը և սկսեցի հարվածել գազանի դեմքին և աչքերին, մինչև նա բաց թողեց Բադիին»,-պատմել է Բենհամը:
Բենհամը չի տուժել վայրի կենդանու հետ պայքարում: Բայց շունը օգնության կարիք է ունեցել: Անասնաբույժները վիրահատել են փիթբուլին, հատուկ սարք են դրել նրա գլխի շուրջ և կարեր են տեղադրել: Շունն արդեն ապաքինվել է:














