Շուշան՝ Շուշին, ինձ համար պատմական հայկական քաղաք է. Անուշ Բեղլոյան (տեսանյութ)
ԱԺ «Իմ քայլը» խմբակցության պատգամավոր Անուշ Բեղլոյանը լրագրողների հետ զրույցում մեկնաբանություն չտվեց Նիկոլ Փաշինյանի այն հայտարարության վերաբերյալ, որով կասկածի տակ էր դնում Շուշիի հայկականությունը:
«Ես կարծում եմ՝ նման հարցով պետք է դիմել վարչապետի մամուլի խոսնակին, իսկ վարչապետի մեկնաբանությունները բազմաթիվ են դրա վերաբերյալ»,- ասաց Անուշ Բեղլոյանը:
Լրագրողի հարցին՝ ըստ իրեն՝ ո՞ւմն է Շուշին, Անուշ Բեղլոյանը Շուշին անվանեց Շուշա՝ ասելով. «Շուշան՝ Շուշին, ինձ համար պատմական հայկական քաղաք է, որը հիմնվել է հայերի կողմից և Արցախի սիրտն է, հպարտությունը և գեղեցկությունը, որը ռազմական պարտության ընթացքում և արդյունքում անցել է ադրբեջանական զորքերի վերահսկողության տակ»:










