«Մեր ձևով» շարժման անդամ Ռուբեն Մխիթարյանը նախքան ձերբակալվելը փորձում էր հանդարտեցնել իրավիճակը (տեսանյութ)

20:15 • 20.10.25

Լրատվամիջոցներում տարածված տեսանյութում երևում է, որ նախքան ձերբակալվելը «Մեր ձևով» շարժման անդամ, իրավաբան Ռուբեն Մխիթարյանը ձեռքերը պարզել է վեր և փորձում է հանդարտեցնել իրավիճակը:

Ավելի վաղ հայտնել էինք, որ բերման է ենթարկվել «Մեր ձևով» շարժման անդամ Ռուբեն Մխիթարյանը: Այս մասին հայտնել էր «Մեր ձևով» շարժումը:

Հիշեցնենք՝ հաղորդել էինք, որ լարված իրավիճակ է Գյումրու քաղաքապետարանում: Առավոտվանից ԱԱԾ-ն Գյումրու քաղաքապետարան  էր մտել:

ՀՀ հակակոռուպցիոն կոմիտեի օպերատիվ–հետախուզական վարչության կողմից ձեռնարկված մեծածավալ օպերատիվ–հետախուզական միջոցառումների և գաղտնի քննչական գործողությունների արդյունքում փաստական տվյալներ են ստացվել Գյումրու համայնքի ղեկավարի և գլխավոր ճարտարապետի կողմից նախնական համաձայնությամբ կաշառք–գումարներ պահանջելու և ստանալու դեպքերի վերաբերյալ։

Ավելի ուշ Վարդան Ղուկասյանին տեղափոխել են  Երևան՝ Հակակոռուպցիոն կոմիտե:

Ավելին՝ տեսանյութում։