Շինուհայրի բնակիչը փայտանյութի վերաբերյալ համապատասխան փաստաթուղթ չի ներկայացրել. մեքենան տեղափոխվել է պահպանվող հատուկ տարածք

18:48 • 31.10.25

Սյունիքի մարզի գումարտակի պարեկները հոկտեմբերի 30-ին Վերին Խոտանան բնակավայրում ծառայություն կատարելիս ստուգել են կայանված «Ֆորդ» մակնիշի մի մեքենայի, որի բեռնախցիկում հայտնաբերել են մոտ 4 խմ փայտանյութ։

Շինուհայրի բնակիչ 48-ամյա վարորդը փայտանյութի վերաբերյալ համապատասխան փաստաթուղթ չի ներկայացրել: Հայտնել է, որ այն ձեռք է բերել Վերին Խոտանան բնակավայրի հարակից անտառից։

Մեքենան տեղափոխվել է բաժնի պահպանվող հատուկ տարածք:

Կազմված փաստաթղթերը փոխանցվել են նախաքննական մարմին։