Եղանակն՝ այսօր
«Կանաչ» էներգետիկան կարող է դառնալ Հայաստանի հետ խաղաղության ռազմավարnւթյան մաս. Հաջիև
«Կանաչ» էներգետիկան կարող է դառնալ Հայաստանի հետ խաղաղության ռազմավարության մաս: Այս մասին հայտնի ամերիկացի տնտեսագետ, Կոլումբիայի համալսարանի պրոֆեսոր Ջեֆրի Սաքսին տված հարցազրույցում հայտարարել է Ադրբեջանի նախագահի օգնական, Նախագահի աշխատակազմի արտաքին քաղաքականության հարցերով բաժնի վարիչ Հիքմեթ Հաջիևը:
«Մենք սա դիտարկում ենք նաև Հայաստանի հետ հարաբերությունների համատեքստում՝ որպես խաղաղության կառուցման հայեցակարգի մաս: Մենք այլևս չենք ստեղծում բաժանարար գծեր և չենք կառուցում պատեր: Մենք կառուցում ենք խաղաղություն և ձգտում ենք խուսափել պառակտվածությունից մեր տարածաշրջանում: Մենք նաև ձգտում ենք ցույց տալ խաղաղության տնտեսական օգուտները: Հույս ունենք, որ կանաչ էներգետիկան կդառնա այս ռազմավարության մաս»,- ընդգծել է Հաջիևը:
Հաջիևը նաև նշել է, որ Ադրբեջանը առաջարկում է ՀՀ-ին վերածվել տարածաշրջանի այլ պետությունների հետ կապված երկրի:
«Հայաստանը հանդիսանում է դեպի ծով ելք չունեցող երկիր, իսկ մենք առաջարկում ենք նրան վերածվել տարածաշրջանի այլ պետությունների հետ կապված երկրի և նրա համար բացում ենք տարբեր տրանսպորտային երթուղիներ»,- ասել է Հաջիևը:
Studio One