Թրամփը խորհրդակցում է արհեստական բանականության հետ քաղաքական և նույնիսկ ռшզմական հարցերի շուրջ․ Politico

ԱՄՆ նախագահ Դոնալդ Թրամփը խորհրդակցում է արհեստական ​​բանականության հետ քաղաքական և նույնիսկ ռազմական հարցերի շուրջ, գրում է Politico-ն։

ԱՄՆ Կոնգրեսի դեմոկրատները պահանջում են, որ Թրամփը պահպանի չաթբոտների, այդ թվում՝ Grok-ի, ChatGPT-ի և Claude-ի հետ նամակագրությունը: Նրանք ցանկանում են հասկանալ, թե ինչպես է ամերիկացի նախագահը օգտագործում արհեստական ​​բանականությունը՝ կարևոր որոշումներ կայացնելիս:

Time-ի տվյալներով՝ 2025 թվականի դեկտեմբերին Թրամփը մի քանի ժամ հարցեր է տվել Grok-ին՝ վենեսուելացիների հնարավոր արձագանքի մասին՝ Նիկոլաս Մադուրոյի ձերբակալման դեպքում: Չաթբոտը պատասխանել է, որ մարդիկ կարող են ուրախությամբ ընդունել լուրը: Մի քանի շաբաթ անց ԱՄՆ-ն ռազմական գործողություն սկսեց Վենեսուելայում:

Դեմոկրատները վտանգավոր են համարում, որ նախագահը կարող է խորհրդակցել չաթբոտի հետ ռազմական գործողության վերաբերյալ: Նրանք նաև զգուշացնում են արհեստական ​​բանականության սխալների և գաղտնի տեղեկատվության արտահոսքի ռիսկերի մասին:

Սպիտակ տունը հայտարարել է, որ պահպանում է բոլոր փաստաթղթերը՝ համաձայն օրենքի: