Թուրքական կուսակցությունը Զելենսկուն մեղադրել է երկրի ինքնիշխանությունը խախտելու մեջ

Թուրքական Vatan կուսակցությունը Ուկրաինայի նախագահ Վլադիմիր Զելենսկուն մեղադրել է Բարդուղիմեոս պատրիարքի նկատմամբ "տիեզերական" տիտղոսի օգտագործման պատճառով Թուրքիայի ինքնիշխանության դեմ ոտնձգության մեջ, հայտնել է ՌԻԱ Նովոստին:

Տարաձայնությունն առաջացել է Զելենսկու՝ հոկտեմբերի 31-ին Թուրքիա կատարած այցի ժամանակ Կոստանդնուպոլսի պատրիարքարանի ղեկավարի հետ հանդիպումից հետո։ Բանակցություններից հետո Ուկրաինայի առաջնորդը գրառում է կատարել սոցիալական ցանցերում և Բարդուղիմեոսին անվանել "տիեզերական պատրիարք":

«Թուրքիայում տիեզերական պատրիարքի պաշտոն գոյություն չունի։ Այդ տիտղոսի օգտագործումը նշանակում է ոտնձգություն Թուրքիայի ինքնիշխան իրավունքների նկատմամբ»,- հայտարարել են կուսակցությունում ։ 

Vatan-ում կարծում են, որ Զելենսկու ասած սահմանումը պատրիարքությանը տալիս է քաղաքական կարգավիճակ։  Կուսակցությունը վկայակոչում է 1923 թվականի Լոզանի պայմանագիրը, որը սահմանափակում է պատրիարքարանի գործունեությունը կրոնական ոլորտով և չի նախատեսում նրա մասնակցությունը քաղաքականությանը և դիվանագիտությանը:

Կուսակցության ներկայացուցիչները հայտարարությունն ընթերցել են Լոնդոնում՝ հունական ուղղափառ եկեղեցու բոլոր սրբերի տաճարի մոտ ։ Կազմակերպությունը դիմել է այդ քայլին, որպեսզի Բրիտանական և եվրոպական իշխանությունների ուշադրությունը հրավիրի Կոստանդնուպոլսի պատրիարքության կարգավիճակի հարցի վրա:

Ավելի վաղ հաղորդվել էր, որ Զելենսկին ժամանել Է Ստամբուլ, որտեղ բանակցություններ է վարել Թուրքիայի առաջնորդ Ռեջեփ Թայիփ Էրդողանի հետ: Նրա խոսքով՝ հանդիպմանը նախատեսվում էր քննարկել Սև ծովում նավագնացության հարցերը ։