Հայաստանում և Ղարաբաղում սկսվել է հայոց լեզվի և գրականության միասնական քննությունը
Այսօր առավոտյան Հայաստանում և Լեռնային Ղարաբաղում մեկնարկեցին միասնական քննությունները հայոց լեզու և գրականություն առարկաներից։ Ինչպես լրագրողների հետ զրույցում նշեց Գնահատման և թեստավորման կենտրոնի (ԳԹԿ) տնօրեն Գուրգեն Խաչատրյանը, այս քննությունն ամենամեծածավալն է. միայն Երևանում հայոց լեզու և գրականություն առարկայից քննություն է հանձնում 1200 աշակերտ։
Տնօրենը նշեց, որ այդ քննության համար Հայաստանում և Ղարաբաղում բացվել է 39 քննական կենտրոն։
Այսօր լրագրողները Խաչատրյանի հետ միասին այցելել են ԵՊՀ քննական կենտրոն։
Կենտրոնի ղեկավար Ռուզաննա Մուրադյանը տեղեկացրել է, որ քննությանը մասնակցում է 358 շրջանավարտ, իսկ բացակաների թիվը 17 է։
Հայոց լեզու և գրականություն առարկաների քննությունը տևում է 3 ժամ։










