Գիտնականները գտել են անքնության պատճառը

Անքնությամբ տառապողների մոտ քնելու հույս է արթնացել. Հարվարդի բժշկական դպրոցի գիտնականները մարդու գլխուղեղում հայտնաբերել են նրա առողջ քնի համար պատասխանատու էլեկտրական ալիքներ։

Մարդիկ, որոնց ուղեղը քնած ժամանակ ստեղծում է հատուկ էլէկտրական ազդակներ, չեն տառապում անքնությամբ։ Այդ ալիքները, գիտնականների կարծիքով, ֆիլտրի դեր են կատարում, որի միջոցով քունը խախտող աղմուկը, երաժշտությունը, դռների ճռռոցը մաղվում են՝ ապահովելով առողջ քուն։

Հարվարդի գիտնականները համոզված են, որ նպաստելով ուղեղում նման ազդակի առաջացմանը, անքնության խնդիրը կլուծվի։