Եղանակն՝ այսօր
Մեծ Բրիտանիայի ՊՆ-ն այլևս չի զբաղվի այլմոլորակայիններով
Մեծ Բրիտանիայի Պաշտպանության նախարարությունը դադարեցրել է չճանաչված թռչող օբյեկտների (ՉԹՕ) շուրջ իր ուսումնասիրությունները, հայտնում է Взгляд-ը՝ բրիտանական ԶԼՄ-ների հրապարակումների հիման վրա:
Ըստ այդմ՝ Միացյալ Թագավորության պաշտպանական գերատեսչությունում լուծարվել է նշված բաժանմունքը, որը տասնամյակներ շարունակ զբաղվում էր բրիտանացիների այն հայտարարություններով, որոնք հայտնում էին այլմոլորակայիններին վերաբերող տարօրինակ երևույթների մասին:
Նման որոշում է կայացվել այն բանից հետո, երբ փորձագետները եզրակացություն են արել, թե ՉԹՕ-ները չեն սպառնում իրենց երկրի անվտանգությանը:
«Վերջին 50 տարում նման սպառնալիքի գոյությունը վկայող ոչ մի դեպք չի արձանագրվել, Պաշտպանության նախարարությունը այլևս չունի հատուկ բաժիններ, որոնք զբաղվում են նման երևույթների ուսումնասիրությամբ»,- ասված է հայտարարության մեջ:
Studio One