Սև խոռոչների բաղադրիչներ են նշմարվել Ծիր Կաթինի միջուկում

Astrophysical Journal-ի օգոստոսի համարի հավելվածում հրապարակվել է Ճապոնիայի Կեյոյի համալսարանի գիտնականների նոր ուսումնասիրությունը, որի օբյեկտը մեր գալակտիկայի կենտրոնական մոլեկուլյար գոտին է, որը պարունակում է ամենազանգվածային, ամենախիտ և տուրբուլենտ մոլեկուլյար ամպերը ամբողջ Ծիր Կաթինում:

Այս գոյացությունները տեղակայված են մեր գալակտիկայի սրտում, որտեղ գերզանգվածեղ սև խոռոչների ծագման նախադրյալներ կան: Դրանք Արևի զանգվածը գերազանցում են 4 միլիոն անգամ:

Գիտնականները մասնավորապես 4 հսկայական գազային գոյացություններ են հայտնաբերել, որոնք սև խոռոչի վերափոխվելու ունակ միջանկյալ զանգված են՝ «շինանյութ»՝ ապագա սև խոռոչների համար:

Գոյացությունները 30 000 լուսնային տարի հեռավորության վրա են: Տարիքը՝ մոտավորապես 60 000 տարի:

Ըստ ճապոնացի գիտնականների՝ կենտրոնական մոլեկուլյար գոտիներով շատ գալակտիկաներ կարող են իրենց տիրույթներում նման զանգվածային գոյացություններ ունենալ:

Այս հայտնագործությունը կարևոր քայլ է համարվում գալակտիկական ֆիզիկայի ասպարեզում:

Ծիր կաթինը գալակտիկա է, որ ներառում է նաև Արեգակնային համակարգը: