Ամերիկացի բժիշկները նոր տվյալներ են հրապարակել թլպատման օգուտների մասին

Մանկաբույժների ամերիկյան ակադեմիան ահազանգել է, որ թլպատման առողջապահական օգուտները գերազանցում են ցանկացած ապահովագրական ռիսկեր, և ապահովագրական ընկերությունները պետք է վճարեն դրա համար, հայտնում է Yahoo News-ը:

Ամերիկացի մանկաբույժները փորձում են այս կերպ խրախուսել իրենց երկրում անկում գրանցած թլպատման երևույթը, սակայն շեշտում են, որ որոշողը ծնողներն են:

Թլպատման շուրջ վերջին ուսումնասիրությունները ցույց են տվել, որ դա նվազեցնում է ՄԻԱՎ-ի և սեռական ճանապարհով փոխանցվող այլ հիվանդությունների, միզամուղ համակարգի վարակները և առնանդամի ուռուցքի ռիսկերը:

ԱՄՆ-ում թլպատումն արժե 200- 600 դոլար: Միացյալ Նահանգներում թլպատման ծավալների նվազումը, ըստ մեկ այլ ուսումնասիրության, ցույց էր տվել, որ առաջիկա տարիներին չթլպատվելու հետևանքով առաջացած հիվանդություններն առողջապահական ծախսերը կարող են ավելացնել 4 մլրդ ԱՄՆ դոլարով:

ԱՄՆ-ում տարեկան մոտ 1 մլն երեխա է թլպատվում: