Չինաստանն իր «պատասխանն» է տվել iPhone-ին. «Արևելքի Apple»-ը ներկայացրել է նոր Android սմարթֆոններ (լուսանկարներ)

Սմարթֆոնների արտադրությամբ զբաղվող չինական Xiaomi ընկերությունը, որը շատ հաճախ «Արևելքի Apple» են անվանում, իր «պատասխանն» է տվել հանրահայտ iPhone հեռախոսներին՝ ներկայացնելով Android օպերացիոն համակարգի հիման վրա գործող 2 սմարթֆոն։

Xiaomi Mi-S2 և Xiaomi Mi-2A մոդելների հիմնակական նորամուծությունն այն է, որ դրանց էկրանի վրայի տեսախցիկը, «չիզ» բառը լսելու դեպքում, ավտոմատ կերպով նկարում է։ Ինչ վերաբերում է նորույթների տեխնիկական բնութագրին, ապա Mi-S2 -ն ունի 4.3 դյույմանոց էկրան, Qualcomm Snapdragon 600 քառամիջուկ պրոցեսոր, 2 գիգաբայթ օպերատիվ հիշողություն, 8 մեգապիքսելանոց տեսախցիկ՝ հետևի մասում, 2 մեգապիքսելանոց տեսախցիկ՝ առջևից։

Իսկ Mi-2A սմարթֆոնն ունի 4.5 դյույմանոց էկրան, S4 Pro CPU երկմիջուկ պրոցեսոր, 1 գիգաբայթ օպերատիվ հիշողություն, 8 մեգապիքսելանոց տեսախցիկ՝ հետևի մասում, 2 մեգապիքսելանոց տեսախցիկ՝ առջևից։

Mi-2S-ի գինը կլինի 370 դոլար, իսկ Mi-2A-ինը՝ 240 դոլար։ Xiaomi ընկերության հաջորդ քայլը լինելու է մուտքն արևմտյան շուկա՝ ապագա Mi-3 մոդելով։