Կանայք ավելի շատ են հակված շատակերության. հետազոտություն

Միչիգանի պետական համալսարանի գիտնականները ապացուցել են, որ կանայք տառապում են շատակերությամբ 10 անգամ ավելի շատ, քան տղամարդիկ:

Գիտնականները փորձեր են կատարել առնետների վրա: Նրանց խոսքով, արդյունքներն անմիջական կապ ունեն մարդկանց հետ, հայտնում է Russia Today-ը:

Հետազոտությունն իրականացվել է՝ որոշելու կենդանիների մոտ շատակերության չափանիշը: Ուսումնասիրության արդյունքում պարզվել է, որ էգ առնետներն ավելի հակված են շատակերության, քան արուները:

Պրոֆեսոր Կլումպը հայտնել է, որ փորձերն իրականացվել են 60 առնետների վրա, ինչի արդյունքում պարզ է դարձել, որ էգերը 6 անգամ ավելի հաճախ են կեր փնտրել:


Գիտնականները հավաստիացնում են, որ կենդանիների և մարդկանց բիոլոգիական և ֆիզիոլոգիական հատկությունները համընկնում են:

«Կանայք ավելի հաճախ, քան տղամարդիկ, տառապում են հոգեբանական ճնշման պատճառով, ինչը նրանց մղում է ուտելու: Միաժամանակ, կանայք, ովքեր հոգեբանական ճնշում չեն ապրում, չեն տառապում նաև շատակերությունից»,– Պրոֆեսոր Կլումպը։