Ռուսաստանում կստեղծվի համացանցային հանցագործությունների դեմ պայքարի սոցցանց

Անվտանգ համացանցի լիգան սեպտեմբերին կգործարկի առցանց հանցագործությունների և ապօրինի նյութերի դեմ պայքարող ակտիվիստների համար նախատեսված սոցցանց: Ցանցի միջոցով նախատեսվում է օպերատիվորեն տեղեկացնել վնասակար կայքերի մասին և համալրել «սպիտակները»՝ անվտանգ համացանցային ռեսուրսները, գրում է Вести.ru-ն՝ հղում կատարելով ИТАР-ТАСС-ին:

Այս սոցցանցի մասնակիցները կկարողանան կիսվել տեղեկություններով:  Նրանք կկարողանան ցանցի միջոցով ուղղակիորեն շփվել իրավապահ մարմինների և պետական իշխանությունների ներկայացուցիչների հետ:

Սոցցանցն առաջին հերթին ստեղծվում է հենց ակտիվիստների խնդրանքով, և մասնակից կարող են դառնալ բոլոր ցանկացողները: