Գվատեմալայում հայտնաբերվել է մայաներին պատկանող հսկայական փորագրություն (լուսանկարներ)

Հնագետները Գվատեմալայի բուրգերից մեկի ներսում իրականացրած ուսումնասիրությունների արդյունքում  հայտնաբերել են պատի հսկայական եզրազարդ, որի հեղինակը հնագույն մայա քաղաքակրթությունն է։

Ինչպես նշում է Daily Mail-ը, եզրազարդը դարեր շարունակ քողարկված է եղել բուրգի ներսում։ Դրա վրա պատկերված է 2 գերհզոր ցեղերի պայքարը։

Եզրազարդի վրա կան բազմաթիվ գրառումներ, ինչպես նաև օգտագործված են վառ գույների ներկեր։ Հնագետները, ուսումնասիրելով դրանք, հանգել են այն եզրակացության, որ փորագրության վրա պատկերված է Կաանուլի ու Տիկալի առաջնորդների բախումը։

Եզրազարդն ունի 8 մ լայնություն և 2 մ բարձրություն։ Հարկ է նշել, որ այն բուրգը, որում արվել է հայտնագործությունը, ևս կառուցվել է մայաների կողմից։