Օգոստոսյան աստղաթափը գագաթնակետին կհասնի լույս երեքշաբթի գիշերը

Օգոստոսյան աստղաթափը՝ Պերսեիդների ասուպային հոսքը առավելագույնին կասնի լույս օգոստոսի 13-ի գիշերը. երկնքում կհայտնվի ժամում 100 ասուպ։ Ինչպես հայտնում է «ՌԻԱ Նովոստի» գործակալությունը, այս մասին հայտնել են Միջազգային ասուպային կազմակերպությունից (IMO)։ 

Ասուպները երկրային մթնոլորտ են դուրս գալիս վայրկյանում մոտ 20 կմ արագությամբ և գրեթե վայրկենաբար այրվում՝ երկնքում գեղեցիկ վառ հետք թողնելով։

Առավել վառ ասուպների լուսարձակումը տևում է մի քանի վայրկյան։

Պերսեիդների ասուպային հոսքը սկսվում է հուլիսի 17-ին և տևում մինչև օգոստոսի 24-ը։ 

Համաձայն կազմակերպության կանխատեսման՝ աստղաթափի առավելագույն ակտիվությունը կդիտվի օգոստոսի 12-ին՝ Գրինվիչի ժամանակով 18.15-ից մինչև 20.45-ը (երևանյան ժամանակով՝ երկուշաբթի ժամը 22.15-ից մինչև երեքշաբթի ժամը 00.45-ը)։