ԱՄՆ Սպիտակ տունը կանցնի արևային մարտկոցների

Սկսվել են Միացյալ Նահանգների Սպիտակ տան տանիքին արևային մարտկոցների տեղադրման աշխատանքները: Դրանք էլեկտրաէներգիայով կապահովեն նախագահական նստավայրի բնակելի սենյակները, հայտնում է gazeta.ru-ն:

Էներգամատակարարման ավանդական աղբյուրները, հավանաբար, ավելի հաճախ օգտագործվելու են ամպամած օրերին:

Բացի այդ, կտեղադրվի նաև հատուկ արևային տաքացուցիչ, որը կապահովի շենքը տաք ջրով:

1979 թվականին Ջիմի Քարթերի նախագահության օրոք արդեն մեկ անգամ Սպիտակ տանն արևային մարտկոցներ տեղադրելու փորձ արվել է, սակայն Ռեյգանի նախագահության տարիներին,1986 թվականին իրականացված վերանորոգումից հետո, դրանք հեռացվել են: