Բրազիլացի աստղագետները հայտնել են, որ հայտնաբերել են Արևի ճշգրիտ նմանակին

Բրազիլացի աստղագետները, ուսումնասիրելով «Արծեղջյուր» համաստեղության կազմի մեջ մտնող աստղը, պարզել են, որ այն Արևի ճշգրիտ «նմանակ է», որը սակայն մեր աստղից մեծ է 4 մլրդ տարով, ասվում է Astrophysical Journal Letters պարբերականում հրապարակված հոդվածում, տեղեկացնում է РИА Новости-ն:

Սան Պաուլոյի համալսարանի գիտնական Խորխե Մենեդեսը և նրա գործընկերները VLT աստղադիտակի միջոցով ուսումնասիրել են Արևին շատ նման երկու աստղերը՝ «Կարիճի» համաստեղության 18 աստղը, որը 2,9 մլրդ տարեկան է և «Այծեղջյուրի» HIP 102152-ը, որը 8,2 մլրդ տարեկան է: Գիտնականներին ավելի շատ հետաքրքրել է տարեց աստղը, որը թույլ կտա պարզել՝ ինչ կլինի նաև Արևի հետ տարիներ հետո:

Նրանք բացահայտել են, որ տարիների ընթացքում աստղի վրա պակասում է լաթիումի պարունակությունը, քանի որ Արևի վրա այն ավելի շատ է, քան իր տարեց «նմանակի» վրա:

Գիտնականներին հաջողվել է ապացուցել, որ HIP 102152-ի քիմիական բաղադրությունը տարբերվում է մյուս աստղերից, և այն ավելի շատ նման է Արևին: Եվ Արևի, և HIP 102152-ի վրա բացակայում են այնպիսի նյութեր, որոնք կան երկնաքարերի մեջ և Երկրի վրա: Սա թույլ է տալիս գիտնականներին եզրակացնել, որ HIP 102152 շուրջը ևս կարող են Երկրի նման մոլորակներ պտտվել: